BOA (Başbakanlık Osmanlı Arşivi) EV MKT 00379 00032'de kayıtlı Niksar'da Mevlevihane ile ilgili 1283 tarihli vesikanın yeni harflere çevirisidir.
Vakf-ı Zaviye-i Mevlevihane der nahiye-i Niksar der liva-i Sivas
es-Seyyid Mehmed Gülşen Dede Zaviyedar vazife …27 Şaban 1281
el-Hac es-Seyyid Mehmed Gülşen Dede Şeyh-i Mevlevihane-i mezbur. Mütevelli Fi 27 Şaban 1281
Vech-i meşruh üzere tevliyet ve zaviyedarlık cihetleri başka başka berat-ı alişan verile. Merkumun uhdesinde evkaf muhasebesinde mastur ve mukayyed olub bu suredde mal-i istid'a ve derkenara … iktizası varidat-ı vakıf tarafından … ferman hazret-i men lehul-emrindir. 3 Zilhicce 1283
Sivas sancağı dahilinde kain olub muahharan Ünye kaymakamlığına ilhakan Canik mutasarrıflığı zeyri idaresine verilen Niksar kasabasında çilehane ve Mevlevihane zaviyeleri meşihat ve tevliyet cihetleri bu kere uhdesine bittevcih icab eden berat-ı alişanları tasdir ve yedine ita buyrularak ol tarafa azimet edeceğinden ve yedinde bulunan defter-i hakani suretinde münderic mezkur çilehane ve Mevlevihane zaviyelerine meşruta bağ ve bağçe vesairesinin taraf-ı fakiraneme teslimi zımnında Canik mutasarrıflığıyla evkaf müdürüne hitaben icab eden emirname-i aliyye-i cenab-ı nezaretpenahilerinin tasdiri hususunu vakfeyni mezkureteynin şeyh-i Mevlevihane ve zaviyedar ve mütevellisi es-Seyyid Mehmed Gülşen Dede işbu arzuhaliyle niyaz eder mahrac kayda nazaran ciheteyni mezkureteyn ba berat-ı ali dede-i muma ileyhin uhdesinde olub salifuzzikir bağ ve bağçe vesaire-i mezkurenin hasılat-ı vakı'ası çilehane-i mezkurede şeyh olanlara meşruta idüğü sahib-i arzuhal dede-i muma ileyhin yedinde olub ibraz eylediği iki kıt'a suret-i defter-i hakaniden nümayan olmuş ise de vakfiye-i mezkureteynin henüz muhasebeleri ru'yet olunduğuna dair bir gune kayıt bulunmamış olduğu kuyud ve mahrec-i derkenardan nümayan olmuş olmağla bu suredde mefat-ı istid'a ve mahrec-i derkenar ile kuyuda nazaran vakfiye-i mezkureteynin mahallinde şer'i şerif ve meclis ve evkaf müdürü marifetiyle icab eden tarihden seksen iki senesi gayetine değin lazım gelen muhasebesi bir ru'ye koçanlı evrak-ı mahsusesine ve cihatiyle müddet-i mahlule hasılatının usulü üzere cedveline bil-idhal cenab-ı hazine-i evkaf-ı hümayuna irsali ve bermantuk defter-i hakani bağ ve bağçe vesaire mezkurenin ba'de ma vakfı tarafından zabt ettirilmesi zmnında Canik mutasarrıflığıyla evkaf müdürüne olarak taraf-ı Zişan-ı nezaret-i seniyyelerine tahrirat-ı atufetlerinin tasdiri babında emru ferman hazret-i men lehul-emrindir. Fi 4 Zilhicce 1283
Atufetlu Efendim hazretleri,
Sivas sancağı dahilinde kain olub muahharan Ünye kaymakamlığına ilhakan Canik mutasarrıflığı zeyri idaresine verilen Niksar kasabasında çilehane ve Mevlevihane zaviyeleri meşihat ve tevliyet cihetleri bu kere uhde-i fakiraneme tevcih icab eden berat-ı alişanları tasdir buyrularak yed-i fakiraneme ita buyrularak ol tarafa azimet olunacağından ve yed-i fakiranemde bulunan defter-i hakani suretinde münderic mezkur çilehane ve Mevlevihane zaviyelerine meşruta bağ ve bağçe vesairesinin taraf-ı fakiraneme teslimi zımnında Canik mutasarrıflığıyla evkaf müdürüne hitaben icab eden emirname-i aliyye-i cenab-ı nezaretpenahilerinin tasdiri babında emru ferman hazret-i men lehul-emrindir.
Bende-i Gülşen Dede
