803-184
El-emrutıbkılehu'l-emr.
Harrerehu el-fakir ileyhisubhanehu ve teala es-Seyyid İbrahim el-kadı bi kaza-i Niksar. gufirelehu ve li-valideyhi
Kayıd Şode; Fi't-tarih M.
Sebeb-i tahrir-i nemika-i bi-mikdar olunur ki;
Evkaf-ı şerife-i istisnaiyeden medine-i Konya'da defin-i hak-ı gufran olan merhum ve mağfiretnişan Mevlana Celaleddin Rumi hazretlerinin tarikat-ı aliyye-i Mevleviyesi müntesibinden kaza-i Niksar'da vaki Çilehane demekle maruf Zaviye-i Mevleviye…..Şeyh ve zaviyedarı umdetü'l-meşayihi'l-kiram es-Seyyid eş-şeyh Mehmed zidef azluhu ve takvahi nam zat-ı âli kadir bab-ı muallayı saadet-i ihtivaya arzuhal sunub Şeyh ve zaviyedarı bulunduğu zaviye-i şerife evkafı kurasından kaza-i mezbure tabi Gelmiye ve Elmacık naman karyeteyn mücavireteynin muayyen ve ma'lum hudud ve sınırları dahilindeki mezra mer'a ve yaylaka hiçbir kimesne tarafından dahl ve taarruz olunmaz iken mürur eyleyen şu birkaç sene zarfında civar-ı kura ahalisinden ashab-ı ağraz ve mütegallibeden bazı kimesneler zuhur-ı birle karyeteyni mezbureteyn ahalisini taciz ve dolayısıyla hukuk-ı vakfı izrar eder olduklarından şer'ile görülüb siyanetenli'l-vakfı karyeteyni mezbureteynin hudud ve sınırlarının tayin ve tesbiti niyazında bulunması üzerine Karahisar-ı şarki livası naibine hitaben sadır olan ferman-ı şerif-i âlişan cihan muta' mucib ve muktezasınca da'vayımebhusenunistima' fasl u hasbiyçün bu fakir me'mur olunmağla imtisalen leh mahalli münazeunfi hayabi'l-azime ol mahalli ma'hudde hem civar kura ahalisinden cemaat-ı vefire huzuruyla akdolulan meclis-i şer'i enver ve mahfel-i din-i mazharda şeyh-i muma ileyh tuğrayı garrayı hümayun ile muvaşşah ve muanven fi 9 Saferü'l-hayr sene 1105 tarihi ile müverrah bir kıt'a ferman-ı şerif-i âlişan ibraz ile mazmun ve muhtevasının şer'ile tahkimi rica ve talebinde bulunmağla keyfiyet-i hal lede't-teemmül bi-taraf erbab-ı namus ve iffetden karye-i Çepniyusuf ahalisinden Mehmed Beşe ve Hasan Ağa ve karye-i Başçiftlik ahalisinden Halil Ağa bin İbrahim ve Baçır Kızılcaviran sakinlerinden Abdulfettah Bey ve karye-i Şomimi ahalisinden İsmail Ağa ibni Ebubekir ve karye-i Ferkse ahalisinden Nail Kadı ve ağnam çobanı seksenbeş yaşında dane Halil Ağa ehli vukuf intihab ve nasb olunmağla merkumun ba'de't-tahlif beyana şuru' birle karyeteyni mezbureteynin şarken Erdepesinam mevzîdenbed' ile takibene Kiraslı sırtları andan vadi-i ebyad ki bi't-türki Akderenin suyu başı andan ökçe yeri depesi andan büyük Güldepe andan nehr-i kebîr Kızıldere suyu ve şimâlen Kuş Kayası Depesi andan Yapraklı Depesi andan değirmen yeri andan Bükelik andan Aktaş ve Ataş depeleri ve ğarben vadi-i dikme andan Bungöldükdere andan Ağaç Akıtılan depe ve cenûben Ayni balı ki beyne'n-nâs Balı pınarı andan küçük ve Büyük kavak depeleri andan Kekliklidepe takiben Çakırı deresi ve andan tahdid-i hududaşuru' olunan Erdepesi namûn mevâzi'imeşhûre ile ve karyeteyn-i mezbûreteyn ahâlisinin Lute denireyyâm-ı sayfdamaan hayvanatını ra'y eyledikleri pençşenekırı demekle maruf cebelde kâin ve kır yaylaları namıyla Benam yaylakında cânib-i şarkından Büyük Okdepesi andan mezarlık andan şehir deresi çömlek suyu ve cânib-i şimalden cisri Hacı Dede ki el-meşhur Hacı Dede Köprüsü andanKurtini Kayası ve Karatuzla ve cânib-i garbdenYılkıcık deresi nam vadi ve karlık meşkûk oluk ve cânib-i cenûbden Eşme depesi andan taş kal'ası topuk Cuması ve Tuzla namanmevazi-i ma'rufe ile mahdûd olduklarını yakinen bildiklerini ve büyüklerinden de böylece işidegeldiklerini ve bu hududlar dahilinde kura-yı saire ahalisine ait mezraa ve mer'a gibi her hangi bir kıt'a-i arz bulunmadığı gibi hududlarını beyân eyledikleri yaylakda da ahar ve ahalisinden hiç bir kimesnenün hayvanatın ra'y olunduğunu görmediklerini her birileri müttefikü'l-lafzve'l-ma'naalâtariki'ş-şehâde beyân ve ifade eylemeleriyle ahali-i vukuf-u merkumun usul-u mevzuasına tevfikan evvelensirren ve ba'dehu alenen lede't-ta'dilve't-tezkiye adl ve makbulü'ş-şehâde idükleri sabit ve mütehakkı kolmağın mucibince kadimen cari ola geldiği vecih üzere a'şar-ı şer'iyye ve rusum-u örfiyyesin canib-i vakf-ı şerife eda eylemek kayd ve şartıyla karyeteyn-i mezbureteyn ve yaylakı mezburenin mevazi-i mezkure ile tahdidve tesbitinetesbitine ve efrâd-ı aharden hiç bir kimesnenün hudûd-u mezkûre dahilinde ki mezra mer'a ve yaylağına vechenmine'l-vucûh ve sebebin mine'l-esbâb müdahale eylememesine ve eyledikleri takdirde şiddetle men' ve te'diblerineba'de'l-hükm keyfiyet bi't-talebketb ve imla ve pâye-i serir-i a'laya arz ve ilam olundu. Tahriren figurre-i Recebi Şehrullah el-mürecceb li-sene hamse ve mie ve elf. Min Hicret-i men lehu'l-izzuve'ş-şeref. ( 01 Receb 1105).
Ş U H U D U'L-H A L;
-es-Seyyid Mustafa Şevki, Kâtib-i Mahkeme-i Şer'iyye,
-el-Hac Ahmed Efendi An Eşraf-ı Kaza-i Niksar,
-el-Hac Hüseyin Ağa İbni Mehmed Ağa,
-An Eşraf-ı Kaza-i mezbur, es-Seyyid Mehmed Nuri Efendi Hatib-i Karye-i Çebniyusuf,
-Hasan Hüseyin Ağa Muhtar-ı Karye-i Başçiftlik,
Ve ğayruhummine'l-hazırin
